हेटौँडाः मकवानपुरको मकवानपुरगढी गाउँपालिका–४, फिर्केपाखामा रहेको ज्वालादेवी आधारभूत विद्यालयका विद्यार्थीलाई शैक्षिक सामग्री हस्तान्तरण गरिएको छ । मङ्गलबार राष्ट्रिय युवा सङ्घ नेपाल मकवानपुरगढी पालिका कमिटीले विद्यालयका ९३ जना विद्यार्थीलाई विभिन्न शैक्षिक सामग्री हस्तान्तरण गरेको प्रधानाध्यापक सरोज फुयाँलले जानकारी दिनुभयो ।
युवा सङ्घ नेपालको ३५ औं स्थापना दिवसको अवसरमा विद्यालयका बाल विकास कक्षादेखि ८ कक्षासम्मका विद्यार्थीहरुलाई ५० थान कापी, ४ सय थान कलम र २० प्याकेट पेन्सिल हस्तान्तरण गरिएको छ । युवा सङ्घ नेपाल मकवानपुरगढी गाउँ कमिटीका अध्ययक्ष विष्णु सिलवालको सभाध्ययक्षता तथा केन्द्रीय सदस्य मिलन पाठकको प्रमुख आतिथ्यमा शैक्षिक सामग्री हस्तान्तरण कार्यक्रम भएको हो । कार्यक्रम युवा सङ्घका नेता उत्तम अधिकारीको संयोजनमा सम्पन्न भएको हो ।
