हेटौँडा/गजल मञ्च मकवानपुरले नवसर्जक केन्द्रित शृङ्खला नवोदय शिशु सदन, हेटौँडामा शनिबार सम्पन्न गरेको छ । मञ्चको २१० औँ गजल यात्राको क्रममा बालबालिकामाझ पुगेर गजल प्रशिक्षणसहित कार्यक्रम गरिएको हो।
विद्यालयमा अध्ययनरत विद्यार्थीहरुको सहभागितामा सम्पन्न कार्यक्रममा विद्यार्थीहरु विदुषी हुमागाईं, ओशिका सुवेदी, अग्रिम लम्साल र सुविष्मा दहालले गजलवाचन गरी कार्यक्रमको शुभारम्भ भएको थियो । मञ्चका निवर्तमान अध्यक्ष देवराज तिवारीले बालबालिकाले वाचन गरेका गजलमाथि टिप्पणी गरेका थिए । मञ्चका वर्तमान अध्यक्ष केशव समर्पणले बालबालिकामाझ सिर्जनात्मक लेखनको अभियानकै एउटा प्रयत्नको रुपमा गजल यात्रा र गजललेखन प्रतियोगिता जस्ता कार्यक्रम गर्नेबारे प्रष्ट पारेका थिए ।
प्रमुख प्रशिक्षक कवि पुरुषोत्तम आचार्यले गजललेखन, सिद्धान्त र अभ्यास बारे बालबालिकाहरुलाई सहजीकरण गरेका थिए । प्रशिक्षणपश्चात् बालबालिकाहरुलाई समूहमा गजल लेखनको अभ्यास र वाचन गराउँदै पृष्ठपोषण प्रदान गरिएको थियो । कार्यक्रममा साहित्य संगम मकवानपुरका उपाध्यक्ष सानु खनाल, फर्क अभियानका अभियन्ता मसान उपासक, सिस्नुपानी मकवानपुरका अध्यक्ष राजकुमार लामिछाने, मञ्चका पूर्व अध्यक्ष यश लामा, सिएम रिमाल लगायतले शुभकामना व्यक्त गरेका थिए ।
कार्यक्रममा नरेन्द्रकुमार नगरकोटी, सानु खनाल, मसान उपासक, देवराज तिवारी, सञ्जित श्रेष्ठ, यश लामा, हरिप्रसाद पौडेल, केशव समर्पणलगायतले गजलवाचन गरेका थिए ।
नवोदयमा गजललेखन प्रशिक्षण सम्पन्न
नवोदयमा गजललेखन प्रशिक्षण सम्पन्न
तपाईको प्रतिक्रिया
संबन्धित शिर्षकहरु