हेटौँडा, थाहा नगरपालिकाले शैक्षिक सत्र २०८२ को आधारभूत तह उत्तीर्ण परीक्षाको नतिजा आईतबार सार्वजनिक गरेको छ ।
थाहा नगरपालिकामा रहेका १९ सरकारी र नीजि विद्यालयका ५ सय ९६ जना विद्यार्थी सहभागी भएकोमा ५५८ जना विद्यार्थी ग्रेडेड भएका छन् । जसमध्ये ३८ जना विद्यार्थी ननग्रेडेड भएका थाहा नगरपालिका शिक्षा शाखाले जनाएको छ ।
थाहा नगरपालिकाको अनुसार ग्रेडेड भएका विद्यार्थीहरू मध्ये ४७ जनाले ३.६ देखि ४ जिपिए, १४८ जनाले ३.२ देखि ३ं६ जिपिए, २१२ जनाले २.८ देखि ३.२ जिपिए, १३५ जनाले २.४ देखि २.८ जिपिए र १६ जनाले २.२ देखि २.४ जिपिए प्राप्त गरेका छन् ।
आधारभूत तह उत्तीर्ण परीक्षामा थाहा नगरपालिकाका ७ वटा सामुदायिक विद्यालयले शतप्रतिशत नतिजा प्राप्त गरेको छ ।
थाहा नगरपालिका वडा नं. १ को झम्केश्वरी मावि, थाहा ७ को सरस्वती मावि, थाहा ८ को ईन्द्रायणी मावि, थाहा १ को सुनौला मावि, थाहा २ को सरस्वती आधारभूत विद्यालय, थाहा ११ को महाङ्काल आधारभूत विद्यालय, थाहा ८ को बुद्ध आधारभूत विद्यालयबाट परीक्षामा सहभागी हुने सबै विद्यार्थी ग्रेडेड भएका छन् ।
झम्केश्वरी माविबाट ३२, सरस्वती माविबाट २८, ईन्द्रायणी माविबाट २७ सुनौला माविबाट १९, सरस्वती आधारभूत विद्यालयबाट १५, महाङ्काल आधारभूत विद्यालयबाट १४ र बुद्ध आधारभूत विद्यालयबाट ५ जना विद्यार्थी परीक्षामा सहभागी भएका थिए ।
यसैबिच थाहा नगरपालिकाको सबैभन्दा बढी ८० जना विद्यार्थी सहभागी भएको थाहा ११ को बागेश्वरी माविको ६९ जना विद्यार्थी ग्रैडेड भएका छन् । सबैभन्दा कम ८ जना विद्यार्थी सहभागी भएको थाहा नगरपालिका ३ को सेतीगणेश आधारभूत विद्यालयका ५ जना मात्रै विद्यार्थी ग्रेडेड भएका छन् ।
त्यस्तै थाहा नगरपालिकामा रहेका ६ वटा नीजि विद्यालयले पनि शतप्रतिशत नतिजा प्राप्त गरेका छन् ।
थाहा नगरपालिकाका ६ को सरस्वती विद्या मन्दिरबाट ४६ जना, थाहा नगरपालिकाका ४ को हिमालयण ईङ्गलिस सेकेन्डरी बोर्डिङ स्कुलबाट ३८ जना, थाहा नगरपालिकाका ३ को पालुङ भ्याली हार्ट एकेडेमीबाट २५ जना, थाहा नगरपालिका ६ को इअन ईङ्लिस एकेडेमीबाट २४ जना, थाहा नगरपालिका १ को पालुङ मोर्डन ईङ्लिस मिडियम स्कुलबाट १२ जना र थाहा नगरपालिका २ को पालुङ अंग्रेजी आवासीय माविबाट ११ जना परीक्षामा सहभागी भएका थिए ।
