हेटाैंंडा, रोटरी क्लव अफ मकवानपुरले हेटौँडा उपमहानगरपालिका- ४ हुप्राचौर रहेकाे अटिजम सेन्टरलाई खेल सामग्री हस्तान्तरण गरेकाे छ । क्लबले अटिजम सेन्टरका लागि ५० हजार रुपियाँ बराबरको ट्रेम्पलिन खेल सामाग्री वितरण गरेको हाे । मङ्गबार सेन्टरमा रहेका २४ जना विद्यार्थीका लागि आवश्यक विभिन्न प्रकारका खेलकुद सामग्री हस्तान्तरण गरेकाे थियाे । कार्यक्रममा रोटरी क्लव अफ मकवानपुरका अध्यक्ष अञ्जनी कुमार पराजुलीले स्वागत मन्तव्य राख्दै अटिजम जस्तो संवेदनशी क्षेत्रमा सहयोग गर्न पाउँदा खुशी लागेको बताए ।
उनले सामग्री हस्तान्तरणकाे प्रबन्ध मिलाउनेलाई धन्यवाद दिए । खेलकुद सामग्री हस्तान्तरणमा सहयाेग गर्ने रञ्जित श्रेष्ठप्रति सदैव कृतज्ञ रहने अध्यक्ष पराजुलीले बताए । कार्यक्रममा खेल सामग्रीकाे प्रबन्ध मिलाउने रोटरी क्लव अफ धुलिखेलका वर्ष २०१४/१५ का अध्यक्ष रञ्जित श्रेष्ठले आफ्नो परिवारमा भित्र पनि अटिजमकाे समस्या रहेकाले आफु केही वर्षदेखि यस क्षेत्रमा सक्रिय रुपमा लागेको बताए । उनले यस क्षेत्रका लागि सदैव सहयोग गर्न तत्पर रहेकाे बताए । यस्ता रोगबाट हाल धेरै बालबालिकाहरु प्रताडित हुँदै गएकाे भन्दै र बालबालिकाले सहज ढङ्गबाट जीवनयापन गर्ने वातावरण बनाउन सबै तहका मानिसहरु लाग्नुपर्ने बताए ।
कार्यक्रममा अटिजम सेन्टरका सञ्चालक उमा पौडेलले सामग्री सहयाेग गर्ने रोटरी क्लव अफ धुलिखेलका वर्ष २०१४/१५ का अध्यक्ष रञ्जित श्रेष्ठ र रोटरी क्लब अफ मकवानपुरलाई विशेष धन्यवाद दिइन्। रोटरी क्लव अफ मकवानपुर अध्यक्ष अन्जनी कुमार पराजुलीको अध्यक्षतामा भएको कार्यक्रममा रोटरी क्लव अफ धुलिखेलका वर्ष २०१४/१५ का अध्यक्ष रञ्जित श्रेष्ठ विशेष आतिथ्यता रहेकाे थियाे । कार्यक्रममा रोटरी क्लव अफ पशुपति काठमाडौँ निवर्तमान अध्यक्ष भुवन सिंह कुँवर, उद्योग वाणिज्य सङ्घ मकवानपुरका पुर्व अध्यक्ष जीवनकाजी मकाजु, रोटरी क्लव अफ मकवानपुर ईलेक्टेड अध्यक्ष अनिल अग्रवाल, महासचिव मनोज ढोडारी, कोषाध्यक्ष पवन तिमिल्सिना, रोटरियनहरु कमल मैनाली, शिवकुमार कार्की, अटिजम सेन्टरका सञ्चालक उमा पौडेल, नीश्ला श्रेष्ठ लगायतको उपस्थिति थियो ।



