बारामा ९ औँ राष्ट्रियस्तरको स्क्राबल प्रतियोगिता हुने भएको छ । जीतपुरसिमरा उपमहानगरपालिकाको सिमरा स्थित लोटस एकेड्मीमा कार्तिक १८ गते स्क्राबल प्रतियोगिता हुने भएको हो ।
देशभरका २२ वटा जिल्लाबाट छानिएका १ सय ४० जनाले प्रतियोगितामा सहभागिता जनाउने छन् । आयोजक स्क्राबल क्लब पोखराले पत्रकार सम्मेलनको आयोजना गरि २० जना प्रतियोगिहरु काठमाडौंमा हुने अन्तराष्ट्रिय क्क्राबल प्रतियोगितामा छनोट हुने बताएको हो ।
आगामी माघ ५ र ६ गते नेपालमै पहिलो पटक काठमाडौं, चन्द्रगिरी नगरपालिकाको नैकाप स्थित ब्राईट फ्युचार स्कुलमा अन्तराष्ट्रिय प्रतियोगिता हुने स्क्राबल क्लबका अध्यक्ष केशव प्रसाद पराजुलीले जानकारी दिए । स्क्राबल खेलले प्रतिस्पर्धीबीच भाषा बिकास, सञ्चारको सिप, सहकार्य, नयाँ शब्द सिर्जना गर्न र अंग्रेजी भाषाको बिभिन्न क्रियाकलापमा सहयोग पु¥याउने राष्ट्रिय प्रतियोगिता हुने बिद्यालय लोटस एकेड्मीका संस्थापक प्रधानध्यापक राम प्रसाद अधिकारीले पत्रकार सम्मेलनमा जानकारी दिए ।
प्रतियोगितामा बारा, सिराहा, रुपेन्देही, सुख्रेत, मकवानपर, नवलपरासी(पुर्ब), नवलपरासी (पश्चिम), गुल्मी, ईलाम, चितवन, पाल्पा, काठमाडौं, पर्बत, भक्तपुर, काशकी, कैलाली, तनहुँ, धनुषा, दाङ्ग, मोरङ, बाग्लुङ र पाँचथर जिल्लाका बिद्यालयबाट बिद्यार्थीहरुले सहभागिता जनाउने आयोजकले जानकारी दिएको छ ।
