हेटौंडा / हेटौंडा जेसीजको आयोजनामा हेटौंडा ४ स्थित भुटनदेवी माध्यामिक विद्यालयमा भएको वक्तृत्वकला प्रतियोगितामा सिमा शिलवाल प्रथम भएकी छिन् ।
हेटौंडा जेसीजको ‘ड्रग अवार्नेस प्रोग्राम’ अन्तर्गतको ‘जीवन रोज्नुहोस् लागुपदार्थ होइन’ शिर्षकमा भएको वक्तृत्वकलामा शिलवाल प्रथम भएकी हुन् । १४ जना सहभागी मध्ये सृजना अधिकारी द्धितीय र अमित यादव तृतीय भएका छन् । उनीहरुलाई प्रमाण पत्र र मेडल प्रदान गरिएको थियो ।
हेटौंडा जेसीजका अध्यक्ष श्रवण कुमार ब
र्ताैलाको सभाध्यक्षतामा भएको कार्यक्रममा नेपाली कांग्रेस मकवानपुरका नेता आनन्दराम पराजुलीको प्रमुख आतिथ्यता रहेको थियो । त्यसैगरी हेटौंडा जेसीजका पूर्व अध्यक्ष कविन सांगामी, सियान पुनस्थापना केन्द्रका सञ्चालक सौजन डिसी, मकवानपुर बहुमुखी क्याम्पस स्ववीयु सभापति छोइसाङ लामा, हेटौंडा क्याम्पस स्ववियु सभापति अभि मैनाली लगायतको उपस्थिति रहेको थियो ।
कार्यक्रममा कवि स्वस्तिका बानियाँले दुव्र्यवसन विरुद्ध कविता वाचन गरेकी थिइन् । प्रतियोगितामा हेटौंडा जेसीजका पुर्व अध्यक्ष कुश कुमार रिजाल, दिपकराज मिश्र, साहित्य संगम मकवानपुरकी अध्यक्ष अनिता न्यौपाने र विद्यालयका शिक्षक पुरुषोत्तम आचार्य निर्णायकको भूमिकामा रहेका थिए ।
हेटौंडा जेसीजले वक्तृत्वकला प्रतियोगिता सिद्धार्थ मावि, आधुनिक मावि, प्रगती माविमा सम्पन्न गरिसकेको छ ।
