हेटौंडा / हेटौंडा जेसीजको आयोजनामा हेटौंडा ९ स्थित प्रगती माध्यामिक विद्यालयमा भएको वक्तृत्वकला प्रतियोगितामा कक्षा १० की रिया बिष्ट प्रथम भएकी छिन् ।
हेटौंडा जेसीजको ‘ड्रग अवार्नेस प्रोग्राम’ अन्तर्गतको ‘लागुपदार्थ दुव्र्यवसनका नकारात्मक असरहरु’ शिर्षकमा भएको वक्तृत्वकलामा बिष्ट प्रथम भएकी हुन् । ११ जना सहभागी मध्ये कक्षा १० का लिटिलराज पौडेल द्धितीय र कक्षा १० की प्रकृति दाहाल तृतीय भएकी छन् । उनीहरुलाई प्रमाण पत्र र मेडल प्रदान गरिएको थियो ।
हेटौंडा जेसीजका अध्यक्ष श्रवण
कुमार बर्ताैलाको सभाध्यक्षतामा भएको कार्यक्रममा संविधान सभा सदस्य अनन्त पौडेलको प्रमुख आतिथ्यता रहेको थियो । त्यसैगरी प्रस्तावित चैनपुर जेसीजका अध्यक्ष गणेश दर्पण अधिकारी, हेटौंडा जेसीजका पूर्व अध्यक्ष कृष्ण बहादुर कार्की, कविन सांगामी, प्रगती माविका विद्यालय व्यवस्थापन समिति
अध्यक्ष प्रदीप पराजुली, प्रध्यानाध्यापक निरन्जन प्रसाद ढकाल लगायतको उपस्थिति रहेको थियो । कार्यक्रममा कवि स्वस्तिका बानियाँले दुव्र्यवसन विरुद्ध कविता वाचन गरेकी थिइन् ।
प्रतियोगितामा हेटौंडा जेसीजका पुर्व अध्यक्ष कुश कुमार रिजाल, दिपकराज मिश्र, साहित्य संगम मकवानपुरकी अध्यक्ष अनिता न्यौपाने र विद्यालयका शिक्षक माधव प्रसाद गौतम निर्णायकको भूमिकामा रहेका थिए । सिद्धार्थ मावि बाट सुरु भएको कार्यक्रम अन्तर्गत विहीबार भुटनदेवी माविमा वक्तृत्वकला हुने कार्यक्रम अध्यक्ष बर्ताैलाले बताए ।
