हेटौँडाः समृद्ध समाज राष्ट्रिय दैनिकको १५ औं वार्षिकोत्सवको अवसरमा आयोजित निबन्ध लेखन प्रतियोगितामा हेटौँडा–१० स्थित सोलिड्यारिटी इन्टरनेशनल एकेडेमीको कक्षा–१० का विद्यार्थी सचिन कुमार यादव प्रथम हुनुभएको छ ।
शुक्रबार हेटौँडा–२ स्थित मकवानपुर बहुमुखी क्याम्पसको सभाकक्षमा भएको प्रतियोगितामा हेटौँडा–५ स्थित सिद्धार्थ शिशु सदनमा कक्षा–१० का अग्रिम खड्का, दोस्रो, हेटौँडा–४ स्थित नवोदय शिशु सदनमा कक्षा–१० की ओशिका सुवेदी तृतीय हुँदा हेटौँडा–४ स्थित भुटनदेवी माविमा कक्षा ११ का सिद्धार्थ फुयाँल सान्त्वना हुनुभएको छ ।
प्रतियोगितामा प्रथम, द्वितीय, तृतीय र सान्त्वना हुने विद्यार्थीले क्रमशः ३ हजार, २ हजार, १ हजार ५ सय र १ हजार रुपैयाँ नगदसहित प्रमाणपत्र प्राप्त गर्नेछ । पुरस्कृत विद्यार्थीलाई शनिबार हुने वार्षिकोत्सव समारोहमा पुरस्कार वितरण गरिने समृद्ध समाज राष्ट्रिय दैनिकका सम्पादक सुरेश श्रेष्ठले जानकारी दिनुभयो । ‘सामाजिक चेतनाका लागि समाचारपत्र’, शीर्षकमा भएको भएको प्रतियोगितामा २३ वटा विद्यालयका ४४ जना विद्यार्थी सहभागी थिए । समृद्ध समाज राष्ट्रिय दैनिकको वार्षिकोत्सवको अवसरमा शनिबार छापा माध्यमसम्बन्धमा संवाद कार्यक्रमको पनि आयोजना गर्दैछ ।
